Hobbyist's

გამოვიდა Rails 3, პოპულარული კარკასის მესამე ვერსია.  ამავე დროს, იგი Merb-ის ახალი ვერსიაცაა. კაცმა რომ თქვას, Rails 3 თავიდანაა დაწერილი. ავტორთა შრომისმოყვარეობის შედეგი კი ისაა, რომ ძირეულადაა გაუმჯობესებული კარკასის არქიტექტურა და რაც ასევე მნიშვნელოვანია, კოდი კითხვადია.

მაინც, რას მოიცავს სიახლეები?

• არქიტექტურის გაუმჯობესებას
• წარმადობის ზრდას
• ადამიანურ Plugin APIს
• ინიციალიზაციის პროცესის გამჭვირვალობას
• ORM აგნოსტიციზმს (DataMapper ORM ძალიან საინტერესო რამეა)
• განსხვავებით Rails 2.3–ისა და Django-სი, სრულად თავსებადია Rack პროტოკოლისა

მზადების პროცესშია, აგრეთვე, Agile Web Development with Rails ახალი გამოცემა.

რაც შეეხება Rails 3–ის ეკოსისტემას, არ გამოგრჩეთ Rubymine

გუგლის სოციალური ქსელი, ორკუტი, დიდი ხანია, ჩამორჩა ფეისბუქს. თუ გავითვალისწინებთ ინერციის მასას, დაწევის მცირე შანსი აქვს. მიუხედავად ამისა, მეგაკომპანია თავგამოდებით ცდილობს ჩამორჩენის აღმოფხვრას. შედეგად ვღებულობთ არა ფეისბუქზე უკეთეს პროდუქტს, არამედ საუცხოო მეცნიერულ კვლევებს და/ან ექსპერიმენტებს, როგორიცაა აქ უკვე მიტოვებული google wave.

ასევე, საინტერესო იყო გუგლის სოციოლოგიური კვლევების მთავარი სპეციალისტის, პოლ ადამსის მიერ მოხსენებული გამოკვლევის შედეგები:

The Real Life Social Network v2

View more documents from Paul Adams.

მოკლედ, პოლ ადამსის იდეა იმაში მდგომარეობს, რომ ნებისმიერ ადამიანს გააჩნია რამოდენიმე სოციალური წრე (აკა “სასტავი”) და არ გააჩნია მათი შერევის სურვილი. ფეისბუქი კი იძლევა პრივატულობისა და აქტივობის გაფილტვრის საშუალებას “სასტავების” მიხედვით (აქ), მაგრამ არ აქვს სათანადო ინფრასტრუქტურა, როგორც ასეთი.

როგორც ორლუტის ბლოგზე გაცხადდა, იდეები უკვე განხორციელებულია. ორკუტის მომხმარებელს უკვე აქვს საშუალება, შექმნას რამოდენიმე კედელი (სქრეფბუქი, უოლი), თითო – მეგობართა თითოეული ჯგუფისათვის.

კარგი იდეაა.

ეს, ალბათ, ვერ აღმოფხვრის ჩამორჩენას, მაგრამ აიძულებს ფეისბუქს, თავი შეიწუხოს.

ორიგინალი: http://twitter.com/wycats

იეჰუდა კაცის (wycats) მოხსენება RailsConf2010 -ზე ეძღვნებოდა საკითხს, თუ რას მოელიან დამწყები პროგრამისტისაგან. დაბეჯითებით ვურჩევდი დამწყებებს, არა მხოლოდ პროგრამოსტებს, მოესმინათ მისთვის:

იეჰუდა კაცის მოხსენება

პროგრამისტებს შორის დიდი ხანია, პოპულარულია როგორც  stackoverflow , ისე ამ პროექტის თანმხლები საიტები. ინოვაცია, რომელსაც პროექტი გვთავაზობს, შესაძლოა, არც ისე რადიკალურია, მაგრამ, მიუხედავად ამისა, ან იქნებ ამიტომაც, stackoverflow ძალზე მოსახერხებელი პორტალია როგორც ცოდნის, ისე გამოცდილების გაზიარებისათვის.

როგორც მოსალოდნელი იყო, გამოჩნდა (და დამკვიდრდა კიდეც) მთელი რიგი კლონებისა. თავად stackoverflow–ს მეტა–პორტალზე მოცემულია კლონების სია.  ისინი, ძირითადად, django–სა Rails–ის ბაზაზეა შექმნილი და, ამდენად, მათი განთავსება არატრივიალური საქმეა, მაგრამ არსებობს PHP–ს მეშვეობით შექმნილი სკრიპტებიც:

• cahoots
• phpancake
• Question2Answer
• Qwench
• Qanda PHP 5.2.3, Kohana MVC Framework 2.3.x

ცუდი არ იქნებოდა, თუ ვინმე (თუნდაც blogroll.ge-ის მესვეურები) გამონახავდნენ საშუალებას ქართული Q & A პორტალის შესაქმნელად, ისეთ თემებზე, როგორიცაა ბლოგინგი, სოციალური ქსელები, ვებ–დიზაინი არაპროგრამისტებისათვის და ა.შ.

პრობლემა ტექნიკურ ასპექტებში არ ძევს: ასეთი პორტალის შენარჩუნებას საგულისხმო დრო ჭირდება, თუმცა, უკუგებაც საგულისხმო იქნებოდა.

I did it wrong – წაკითხვად ღირს.

ტვიტერის, როგორც სოციალური ურთიერთობების ახალი ტიპის მედიის პოპულარობამ ბუნებრივად მოიტანა მისი ანალოგების/კლონების პროლიფერაცია.

განვიხილოთ რამოდენიმე მათგანი:

• jaiku.  დაახლოებით 1 წლის წინ გუგლმა გახსნა მისი კოდი და პორტალზე ზრუნვა გადაულოცა მოხალისეებს.
• StatusNet/laconica. კოდი აქაც ღიაა, უკვე კარგადაა ტესტირებული. მასზე მუშაობს საკმაოდ პოპულარული http://identi.ca/
• typepad motion, ყოფილი pownce. როგორც ჩანს, მაინც ესაა საუკეთესო, რამდენადაც პლატფორმა გაცდა ტექსტურ მიკრობლოგინგს და გვთავაზობს კარგ მულტიმედიურ სერვისებს. რაც ყველაზე კარგია, მულტიმედიის ფაილები ინახება ცენტრალიზებულ ინფრასტრუქტურაში, თავად typepad cloud–ზე.

ტვიტერის კლონის პოპულარიზაცია გუგლს არ გამოუვიდა და ძნელი სავარაუდოა, ეს რომელიმე ქართული ინტერნეტ–ჯგუფმა შეძლოს, მაგრამ, მეორე მხრივ, უკვე არსებობს უამრავი მცირე სოციალური ქსელი; ასევე, ამ ტიპის სკრიპტების გამოყენება ეფექტური იქნებოდა შიდაკორპორაციულ ქსელებში.